冯天魁也考旅客素质 【大嘴说闲话】春运考验交通-常州新闻综合广播
冯天魁
点击上方蓝字关注
春运考验交通 也考旅客素质
这个礼拜么,好些朋友要家去过年咧,尤其是民营企业啊,服务行业啊,早点家去咧,省则年三夜四轧。再说年前过几天格车票实在紧张,那头有过么好格运气啊。
春运顶忙格辰光开始咧,今年说叫春运预计有靠近三十亿人次,跟旧年差弗多，弗过呢增速比前几年慢格咧。
讲到家去过年呢,心叻肯定高兴佬,尤其是上车困觉,下车到家格朋友啊,真佬定心。弗过呢,绝大部分朋友全是火车下来换汽车,有格是汽车下来再换汽车,一路上弗会这么轻松。也弗是人人都去坐高铁动车,一坐十几廿来格钟头也正常佬。
格么路上人一多,一轧啊,归心似箭么,碰着事体有辰光就要控制情绪,弗要依心上。换句话讲,要注意公共道德,要有素质,要讲文明,要守规矩。大包小包拖则, 晤咙掮则蛮高,叻车站里头横冲直撞,碰则别人只当呒介事;一个人坐一张位置,行李要放两张位置,别人过来寻位置么眼睛一闭装则弗看见;一看车来咧就跟冲锋一样格拼命冲,还管你排队顺序的,只比嗲人力道大;车上辰光一长么脚麻咧就脱鞋子,吃点东西么塑料袋一大堆还要弄口酒,红则面孔喷则酒气口气大到吓煞人;跟别人有点磕磕碰碰么袖管一卷一蹦八丈高,边上人越多还越来劲;有格人么觉着无聊屏弗住还要吃两根香烟----
这佬格事体弗稀奇吧?问题是弗好哇。如果全觉着这佬做弗对,格么轮到自家头上辰光就弗要去做.每一个人都是社会格细胞哇,弗好做癌细胞哇。出门么弗管是旅游还是家去, 每一个人叻路上都换位思考、讲规则、守秩序,弗情绪化么，弗管嗲困难都好解决,过一路上多少和谐呢?
春运是一场考试,还是大考,考格弗光是交通设施,运输能力,服务质量,也考每个人格文明素质.出门格人既是考官也是考生,全是一场挑战啊。
哈尼国家越来越强,老百姓格素质也越来越高.叻春运辰光,每一个参与格人都要做好主人公。
撰稿：顾慷
演播制作：高翔
图片：网络
更
多
精
彩
请猛戳右边二维码
常 州 新 闻 综 合 广 播